Mae gan bobl leol, gan gynnwys preswylwyr, cynrychiolwyr etholedig lleol a rhanddeiliaid eraill, rôl bwysig iawn i’w chwarae drwy gydol yr ymgynghoriad hwn.

Mae angen eich barn a’ch gwybodaeth arnom wrth i ni weithio ar ddatblygu ein cynigion yn barod ar gyfer cyflwyno ein cais am Orchymyn Cydsyniad Datblygu.

Bydd yr ymgynghoriad statudol hwn yn para o 19 Ebrill tan 4 Mehefin 2023.

Gallwch ddod i wybod mwy am Brosiect Gwynt Alltraeth Mona yn un o’n digwyddiadau ymgynghori.

Mae’r digwyddiadau hyn yn ffordd wych o ddysgu am ein prosiect, cwrdd â thîm y prosiect a gofyn unrhyw gwestiynau sydd gennych chi.

Mae digwyddiadau ymgynghori wyneb yn wyneb yn ddigwyddiadau ‘galw heibio’, sy’n golygu y gallwch alw draw unrhyw bryd i ddysgu mwy a siarad â ni.

Mae digwyddiadau ‘achlysurol’, llai yn cael eu cynnal mewn ardaloedd lle mae nifer mawr o bobl. Mae’r digwyddiadau hyn yn llai ond yn dal yn gyfle gwych i siarad ag aelod o’r tîm a dysgu mwy.

Byddwn hefyd yn cynnal digwyddiad ar-lein ar ffurf gweminar. Cynhelir y digwyddiad hwn ar Zoom a bydd yn cynnwys cyflwyniad gan dîm y prosiect a sesiwn holi ac ateb.